Jólaævintýri fyrir alla fjölskylduna
Jólaævintýri fyrir alla fjölskylduna

Hið vinsæla jólaleikrit Bjálfansbarnið og bræður hans hefur gengið fyrir fullum Listakaupstað síðustu helgar. Um helgina verða síðustu sýningar fyrir jól á verkinu. Sýnt verður bæði laugardag og sunnudag kl.14.00 báða dagana miðasala er þegar hafin í Vestfirzku verzluninni og í miðasölusíma Kómedíuleikhússins 891 7025. Bjálfansbarnið og bræður hans fjallar um vestfirsku jólasveinanna sem hafa ekki sést í mannabyggðum í eina öld ef ekki meira. Þessir sveinar eru sannkallaðir jólasveinar einsog nöfn þeirra gefa til kynna Froðusleikir heitir einn þeirra annar heitir Langleggur enn annar Lækjaræsir og ekki má gleyma sjálfu Bjálfansbarninu. Bjálfansbarnið og bræður hans er sannkallað jólaævintýr fyrir alla fjölskylduna. Rétt er að geta þess að sérstök hátíðarsýning verður milli hátíðanna og verður sú sýning föstudaginn 30. desember kl.17. Miðasala á þá sýningu er einnig hafin og gengur dúndur vel því um að gera að bóka sér miða í tíma.

miðvikudagurinn 30. nóvember 2011

Bjálfansbarnið slær í gegn

Nýjasta sýning Kómedíuleikhússins jólaleikritið Bjálfansbarnið og bræður hans hefur sannarlega fengið frábærar viðtökur. Leikurinn var frumsýndur fyrir fullu húsi um síðustu helgi í Listakaupstað á Ísafirði. Nú þegar er orðið uppselt á næstu sýningu sem er á laugardag en ennþá eru laus sæti á sýninguna á sunnudag. Forsala aðgöngumiða fer fram í Vestfirzku verzluninni á Ísafirði og í miðasölusíma Kómedíu 891 7025. Bjálfansbarnið verður sýnt allar helgar fram að jólum og einnig verður sérstök hátíðarsýning föstudaginn 30. desember kl.17 og stendur miðasala yfir á allar sýningar. Á vef Bæjarins besta bb.is í dag er birtur mjög lofsamlegur dómur um Bjálfansbarnið og bræður hans og má lesa gagnrýnina hér www.bb.is/Pages/26?NewsID=171715

Nú er bara að panta sér miða í tíma á Bjálfansbarnið og bræður hans í Listakaupstað á Ísafirði enda fátt skemmtilegra en að bregða sér í leikhús fyrir jólin.

mánudagurinn 28. nóvember 2011

Bjálfansbarnið fékk fullt hús

Fyrsta frumsýning þessa Kómedíuleikárs var um helgina þegar jólaleikritið Bjálfansbarnið og bræður hans var sýnt fyrir fullu húsi í Listakaupstað á Ísafirði. Hér er á ferðinni leikrit fyrir alla fjölskylduna sem fjallar um vestfirsku jólasveinunum sem hafa ekki sést meðal manna í hundrað ár ef ekki meira. Fullt hús var einnig á annarri sýningu leiksins sem var í gær, sunnudag. Miðasala á næstu sýningar er þegar hafin í Vestfirzku verzluninni og í miðasölusíma Kómedíu 891 7025. Sýnt verður bæði á laugardag og sunnudag kl.14 báða dagana. Eftir það verða sýningar allar helgar fyrir jól og einnig verður sérstök hátíðarsýning milli jóla og nýárs föstudaginn 30. desember en sú sýning hefst kl.17. Miðasala á allar sýningar er í blússandi gangi. Leikritið er sýnt í sal Listakaupstaðar í Norðurtangahúsinu á Ísafirði og er þetta fyrsta leikritið sem er sýnt í Listakaupstað. Bjálfansbarnið og bræður hans er eftir Elfar Logi Hannesson sem einnig leikur. Höfundur jólasveinavísna er Þórarinn Hannesson, Marsibil G. Kristjánsdóttir er skapari vestfirsku jólasveinanna sem og allrar umgjörðar ævintýrsins. Leikstjóri er Ársæll Níelsson.

Kómedíuleikhúsið frumsýnir nýtt íslenskt jólaleikrit í Listakaupstað á Ísafirði um helgina. Leikurinn heitir Bjálfansbarnið og bræður hans, og er sannkallað jólaævintýri fyrir alla fjölskylduna. Hér er sagt frá vestfirsku jólasveinunum sem hafa ekki sést í mannabyggðum í eina öld ef ekki meir. Þessir sveinar eru skrítnir og skondir enda heita þeir mjög undarlegum nöfnum á borð við Lækjaræsir, Refur, Froðusleikir, Langleggur, Baggalútur og svo auðvitað Bjálfansbarnið. Eitt er víst þá verður pottþétt mikið stuð og ævintýri þegar þessir vestfirsku jólagæjar snúa aftur til byggða og munu án efa mála bæinn rauðan að hætti jólasveina. Frumsýnt verður á laugardag í Listakaupstað og hefst sýningin kl.14. Önnur sýning verður daginn eftir, á sunnudag einnig kl.14. Eftir það verður leikurinn sýndur um helgar alveg fram að jólum og milli hátíðanna verður sérstök hátíðarsýning. Forsala á allar sýningar er hafin í Vestfirzku verzluninni á Ísafirði einnig er hægt að bóka miða í miðasölusíma Kómedíuleikhússins 891 7025. Miðaverðið er sérlega jólalegt aðeins 1.900.- kr.

Höfundur og leikari Bjálfansbarnið og bræður hans er Elfar Logi Hannesson, höfundur jólasveinavísna er Þórarinn Hannessson, Marsibil G. Kristjánsdóttir er skapari jólasveinanna sem og allrar umgjörðar sýningarinnar og leikstjóri er Ársæll Níelsson. Bjálfansbarnið og bræður hans er frábær skemmtun fyrir alla fjölskylduna og kemur öllum í rétta jólaskapið og styttir einnig biðina fyrir hátíðina sem framundan er.

Allir í leikhús fyrir jólin, Bjálfansbarnið og bræður hans stytta biðina
Allir í leikhús fyrir jólin, Bjálfansbarnið og bræður hans stytta biðina

Kómedíuleikhúsið hefur gert samning við verslunina Hamraborg á Ísafirði og Ölgerðina Egil Skallagrímsson um að vera aðalstyrktaraðilar jólaleikritsins Bjálfansbarnið og bræður hans. Samstarfið við þessi góðu hugsjónafyrirtæki er fjölbreytt og sannkallað ævintýr. Blásið verður til sérstaks jólaleiks í tengslum við sýninguna þar sem möguleiki er á að hreppa sérlega girnilega vinninga fyrir munn og eyru. Allir þeir er sjá leikritið Bjálfansbarnið og bræður hans, sem verður frumsýnt núna á laugardag kl.14 í Listakaupstað, fá jólakort. Þetta er nú ekkert venjulegt jólakort þetta er nefnilega sannkallað töfrakort. Fyrst ber að nefna að allir þeir sem fara með þetta umtalaða jólakort í verslunina Hamraborg fá gómsætan súkkulaðivinning. Ekki nóg með það heldur fer kortið einnig í Grýlupottinn, nei afsakið, jólapott Bjálfansbarnsins. Á Þorláksmessu verður dregið úr jólapottinum og 35 heppnir áhorfendur fá vinning. Glaðningurinn er bæði Makintos konfekt og Þjóðlegar hljóðbækur. Já, þetta verður sannkallað jólaævintýri og nú er bara að panta sér miða í tíma á Bjálfansbarnið og bræður hans. Forsala á allar sýningar er þegar hafin í Vestfirzku verzluninni og einnig er hægt að hringja í miðasölusíma Kómedíuleikhússins 891 7025. Allir í leikhús fyrir jólin.

Bjálfansbarnið væntanlegt í bæinn á nýjan leik
Bjálfansbarnið væntanlegt í bæinn á nýjan leik

Jólin koma, jólin koma já bara alveg rétt bráðum. Hvað er betra en að stytta biðina með því að bregða sér á sannkallað jólaævintýri. Kómedíuleikhúsið frumsýnir nýtt jólaleikrit Bjálfansbarnið og bræður hans laugardaginn 26. nóvember í Listakaupstað á Ísafirði. Hér er á ferðinni ævintýralegt jólaleikrit um vestfirsku jólasveinana sem hafa ekki sést í mannabyggðum í eina öld ef ekki meir. Það má því búast við miklu ævintýri þegar þessir kappar snúa aftur og munu örugglega, að hætti jólasveina mála bæinn rauðann. Bjálfansbarnið og bræður hans verður fyrst sýnt síðustu helgina í nóvember og eftir það allar helgar í desember. Sérstök jóla- og hátíðasýning verður milli jóla og nýárs þann 30. desember. Forsala á allar sýningar hefst í dag kl.14.14 í Vestfirzku verzlunni á Ísafirði.  Miðaverðið er sannkallað jólaverð aðeins 1.900.- kr.

Allir í leikhús fyrir jólin.

sunnudagurinn 13. nóvember 2011

Ný heimasíða

Fyrsta frumsýning leikársins verður á jólaleikritinu Bjálfansbarnið og bræður hans
Fyrsta frumsýning leikársins verður á jólaleikritinu Bjálfansbarnið og bræður hans

Velkomin á nýja heimasíðu Kómedíuleikhússins. Hönnuður síðunnar er Baldur Páll Hólmgeirsson eða Baldur Pan einsog hann er oft nefndur. Baldur er fjölhæfur listamaður og hefur vakið mikla athylgi fyrir verk sín í listinni og þá einkum ljósmyndir hans. En gaman er að geta þess að Baldur er einmitt hirðljósmyndari Kómedíu og tekur allar myndir þessa Kómíska leikárs. Hér á heimasíðunni færð þú allar upplýsingar um atvinnuleikhúsið Vestfirska allt frá upphafi og líka fram í tímann því hér á síðunni er leikárið 2011/2012 kynnt sérstaklega og er það sannarlega alþýðlegt og ævintýralegt. Rós Kómedíunnar Þjóðlegu hljóðbækurnar fá líka sér stöðu hér á síðunni og er hægt að panta þessa þjóðlegu gullmola hér. Kómedían er sífellt í þróun og því rétt að fylgjast reglulega með hér á heimasíðunni.

þriðjudagurinn 11. október 2011

Kómedíuleikhúsið sýnir á Catalinu Kópavogi

Tvær kómískar og sögulegar vestfirskar leiksýningar verða sýndar á Catalinu Kópavogi þriðjudaginn 8. nóvember kl.20. Sýnd verða leikritin Jón Sigurðsson strákur að vestan og Bjarni á Fönix en báðar sýningarnar hafa verið sýndar um land allt og nú síðast í Kaupmannahöfn við miklar vinsældir. Miðaverð er aðeins 1.900.- krónur og það er posi á staðnum. Miðasala er þegar hafin í síma 554 2166. Nú er bara að taka daginn frá og fjölmenna á alvestfirskt leikhús á Catalinu í Kópavogi.

Kómedíuleikhúsið heldur áfram að ferðast um landið og miðinn með sýningar sínar um þá hálfbræður Jón Sigurðsson og Bjarna Þorlaugarson. Nú er röðin komin að Selfossi. Sýnt verður sunnudaginn 6. nóvember kl.20 á Hótel Selfossi. Að vanda er miðaverðið þetta gamla góða kómíska aðeins 1.900.- kr, tvær leiksýningar á verði einnar. Leikverkin Jón Sigurðsson strákur að vestan og Bjarni á Fönix hafa verið sýnd um land allt og nú síðast í Kaupmannahöfn við dúndur góðar viðtökur. Enda er hér um alvestfirskar, áhirfaríkar og sögulegar leiksýningar að ræða sem tengjast sögu Vestfjarða sterkum böndum. Bjarni á Fönix var frumsýndur fyrir rúmu ári síðan en leikurinn um Jón Sigurðsson var frumsýndur á afmælisdegi söguhetjunnar núna í sumar.

fimmtudagurinn 6. október 2011

Kómedíuleikhúsið í Danmörku

Kómedíuleikhúsið brá sér til Köben og sýndi tvö af sínum vinsælustu verkum í Jónshúsi í byrjun október. Sýndir voru leikirnir Jón Sigurðsson strákur að vestan og Bjarni á Fönix. Verkin hafa verið sýnd um land allt við miklar vinsældir enda er hér um að ræða vandaðar og sögulegar leiksýningar sem tengjast skemmtilega. En líklegt er talið að þeir Jón Sigurðsson og Bjarni Þorlaugarson séu hálfbræður þó ekkert sé reyndar fullsannað um það. Leikferðin til Danmerkur gekk glimrandi vel og var sýningin vel sótt. Sýnt var í samstarfi við Íslendingafélagið í Kaupmannahöfn sem vildi þannig heiðra minningu Jóns Sigurðssonar en í ár eru 200 ár frá fæðingu kappans. Vel var við hæfi að sýna í Jónshúsi í Kaupmannahöfn þar sem Jón Sigurðsson bjó um áraskeið. Þetta er ekki í fyrsta sinn sem Kómedíuleikhúsið fer til útlanda með leikverk sín en til þessa höfum við sýnt í Albaníu, Lúxembúrg og tvívegis í Þýskalandi og nú hefur Danmörk bæst í landakort Kómedíu. Leikhúsið þakkar Íslendingafélaginu í Kaupmannahöfn kærlega fyrir frábærar móttökur og gott samstarf.

Síða 36 af 36
Eldri færslur