Útlagapartý

Kómedíuleikhúsið ætlar að sýna þrjá einleiki sama kvöldið og er sami leikari í þeim öllum. 

Verkin þrjú sem sýnd verða eru verðlaunaleikurinn Gísli Súrsson, hinn ómótstæðilegi Grettir og loks sjálfur Fjalla-Eyvindur. Einleikirnir eiga það sameiginlegt að fjalla um útlaga; þrjá þekktustu útlaga Íslandssögunnar.

Leikari í öllum þremur verkunum er hinn margslungni Elfar Logi Hannesson.

Sýningarstaðurinn er Félagsheimilið í Bolungarvík og sýnt verður föstudaginn 4. mars.

Stutt hlé verður gert á milli leikja og víst er að þetta verður varla endurtekið. Rétt er að hvetja áhugasama áhorfendur til að tryggja sér miða strax á þrennu Kómedíuleikhússins í Bolungarvík. Miðasala er þegar hafin í síma 690 2303.

Nú liggur enn eitt ævintýrið í loftinu fyrir leiklistarunnendur en Kómedíuleikhúsið, atvinnuleikhús Vestfjarða, hefur sannarlega vakið athygli fyrir að fara sínar eigin kómísku leiðir.