mnudagurinn 6. ma2019

Htarsning Dimmalimm safiri dag

Miaver er aeins 1.000. krnur
Miaver er aeins 1.000. krnur

Í tilefni af endurnýjun samstarfssamnings Kómedíuleikhússins og Ísafjarðarbæjar verður sérstök hátíðarsýning á Dimmalimm í Edinborgarhúsinu í dag kl.17.30.
Miðaverð er aðeins 1.000.- krónur.

Dimmalimm er án efa eitt ástsælasta ævintýri þjóðarinnar. Sagan er eftir listamanninn Mugg frá Bíldudal. Ævintýrið fjallar um prinsessuna Dimmalimm sem eignast góðan vin sem er stór og fallegur svanur. En einsog í öllum góðum sögum þá gerist eitthvað óvænt og ævintýralegt. Dimmalimm var frumsýnt í mars síðastliðnum í Þjóðleikhúsinu og gekk fyrir fullu húsi langt fram í apríl. Dimmalimm hefur nú þegar verið sýnd á landsbyggðinni bæði hér fyrir vestan og norðan. Seinna í maí fer Dimmalimm í leikferð með Karíus og Baktus um Vestfirði.

fimmtudagurinn 2. ma2019

Dimmalimm tilnefnd sning rsins

Verur Dimmalimm valin besta sningin?
Verur Dimmalimm valin besta sningin?

Hin stórskemmtilega Sögur verðlaunahátíð hefur nú birt tilnefningar sýningar um það besta á árinu á sviði leikhúss, skáldskapar, sjónvarps og tónlistar. Sýning okkar Dimmalimm er tilnefnd sem sýning ársins. Þessi tilnefning vermir mjög í okkar hjörtum því það eru jú börnin sem eru bestu dómararnir í þessari deild. Það eru svo börn á aldrinum 7. - 12. ára sem velja það besta í hverjum flokki og stendur kosning nú yfir. Hér geta börnin kosið 

https://www.surveymonkey.com/r/2LJLS3Z?fbclid=IwAR0WrHU-bEuCaI8xuQ2ysowi4Y5NTHipUOm6mZfRiSkznolMSE2osGKfKhI

 

Dimmalimm var frumsýnd í Þjóðleikhúsinu í mars síðastliðnum og var þar sýnd fyrir uppseldu húsi sýningu eftir sýningu. Nú er komið að því að Dimmalimm fari út á landsbyggðina og strax núna á helginni verður Dimmalimm sýnd á þremur stöðum. Á laugardag á Siglufirði. Það verður sérstakur hátíðarbragur á þeirri sýningu því hún er í boði Ungmennafélagsins Glóa sem fangar nú 25 ára afmæli sínu og hugsjónaapparatsins Ljóðaseturs Íslands. Sýnt er í Bláa húsinu og hefst kl.15.00. Einsog áður sagði er ókeypis inn og allir velkomnir.

Á sunnudag verður Dimmalimm á fjölunum á Blönduósi. Sýnt verður í Félagsheimilinu og hefst leikur kl.16.00.

Daginn eftir á mánudag verður Dimmalimm komin alla leið til Ísafjarðar. Ekki að ástæðulausu því þann góða dag verður endurnýjaður samstarfssamningur Kómedíuleikhússins við Ísafjarðarbæ. Af því tilefni verður sérstök hátíðarsýning á Dimmalimm í Edinborgarhúsinu kl.17.30. Í tilefni dagsins þökkum við fyrir bæjarbúum fyrir með því að selja miðann á aðeins 1.000.- krónur. Já, það er ævintýralegt verð á sýninguna á Dimmalimm í Edinborg og því um að gera að nýta þetta ævintýralega tilboð. 

Fjölmargar sýningar á landsbyggðinni eru fyrirhugaðar á Dimmalimm bæði núna í sumar og í haust. 

sunnudagurinn 28. aprl2019

Leikritatgfa Kmeduleikhssins

Dimmalimm er njasta leikrit okkar og fst n einnig  prenti
Dimmalimm er njasta leikrit okkar og fst n einnig prenti

Kómedíuleikhúsið hefur síðan 2016 gefið leikverk sín út um leið og þau eru frumsýnd. Er leikhúsið eitt leikhúsa á öllu landinu sem þetta gjörir. Leikritin eru gefin út í heild sinni í veglegri leikskrá um hvert verk fyrir sig. Þannig geta leikhúsgestir kynnt sér handrit leiksins bæði fyrir sýningu, meðan á henni stendur eða þá bara að sýningu lokinni. Kómedíuleikhúsið er afskaplega stolt af þessari leikritaútgáfu sinni og ef eitthvað ætlum við bara að halda henni áfram.

Það er nú ekki á hverjum degi sem íslensk leikrit hafa og eða eru almennt gefin út svo einhver verður að bæta úr því. Við leggjum okkar verk á vogaskálarnar til eflingar leikritaútgáfu á Íslandi. 

Leikrit okkar fást á hverjum sýningarstað okkar hverju sinni. Einnig er hægt að panta þau með því að senda okkur tölvupóst komedia@komedia.is. 

Verðið er alveg sérstaklega kómískt eða aðeins 500.- krónur. Já, þú færð eitt stykki leikverk einn rauðan.

Svo er náttúrulega best að vera áskrifandi af leikritum Kómedíuleikhússins. Þannig færðu nýjustu verkin um leið og þau koma út. Auðvitað gerum við sérlega vel við okkar áskrifendur því þú færð tvö leikrit, leikskrár, á verði einnar. Þannig getur þú glatt fleiri í kringum þig með einstakri leikritagjöf. Ef þú vilt gerast áskrifandi af leikritum Kómedíuleikhússins þá sendu okkur póst á komedia@komedia.is

Þau leikrit sem koma hafa út eru:

 

Gísli á Uppsölum, 2016

EG, 2018

Sigvaldi Kaldalóns, 2018

Gísli Súrsson á ensku, 2019

Dimmalimm, 2019

 

Næsta leikrit kemur út í júní en það er Listamaðurinn með barnshjartað, 2019, en leikurinn verður einmitt sýndur á söguslóðum í Selárdal í júnílok. 

mivikudagurinn 17. aprl2019

Dimmalimm og Karus og Baktus ingeyri pskum

Dimmalimm og Karus og Baktus  pskum  ingeyri
Dimmalimm og Karus og Baktus pskum ingeyri

Dimmalimm og Karíus og Baktus

Félagsheimilið Þingeyri

Miðasala á tix.is

Miðasölusími: 823 7665

Sýnt í Félagsheimilinu

Fös. 19. apríl kl.14.00

Fös. 19. apríl kl. 16.00

Lau. 20. apríl kl. 13.00

Lau. 20. apríl kl. 15.00

laugardagurinn 13. aprl2019

Leikhspskar ingeyri

Dimmalimm fer vestur um pskana
Dimmalimm fer vestur um pskana

Það verður mikið um að vera í leikhúsinu á Þingeyri á páskunum. Alls verða þar sýnd þrjú leikrit þar af tvö úr smiðju Kómedíuleikhússins. Okkar nýjasta sýning sem hefur slegið í gegn í Þjóðleikhúsinu og verið sýnd fyrir uppseldu húsi fimm sýningar í röð Dimmalimm mætir á eyrina. Dimmalimm verður sýnt ásamt hinu vinsæla leikriti Karíus og Baktus í uppfærslu Leikdeildar Höfrungs. Alls verða fjórar sýningar á þessari klassísku barnatvennu leikhússins. Tvær sýningar verða á föstudaginn langa kl. 14.00 og kl. 16.00. Einnig verða tvær sýningar á laugardag kl.13.00 og kl.15.00. 

Á páskadag kl.16.00 verður síðan hin ástsæla sýning Sigvaldi Kaldalóns sýnd í leihúsinu á Þingeyri. 

Miðasala á allar sýningar stendur yfir allan sólarhriginn á tix.is

Miðasölusími: 823 7665

rijudagurinn 2. aprl2019

Dimmalimm Storytel

N geturu hlusta  Dimmalimm leikriti aftur og aftur
N geturu hlusta Dimmalimm leikriti aftur og aftur

Það er svo gott að hlusta og láta lesa fyrir sig. Hvað þá að láta leika fyrir sig. Kómedíuleikhúsið hefur nú sett leikrit sitt Dimmalimm á hina vinsæla hlustunarveitu Storytel. Þar gefst notendum kostur á að hlusta á fjölbreytt efni til að hlusta á hvort heldur er til dægrastyttingar, á ferðalaginu, við uppvaskið eða á gönguferðinni. Og nú getur þú líka hlustað að leikritið Dimmalimm aftur og aftur á Storytel. Hér er slóðin á Dimmalimm á Storytel - njótið vel 

https://www.storytel.com/is/is/books/786840-Dimmalimm

fstudagurinn 29. mars2019

Uppselt Dimmalimm helginni

Dimmalimm heldur fram a fylla jleikhsi
Dimmalimm heldur fram a fylla jleikhsi

Dimmalimm verður sýnt í Þjóðleikhúsinu á laugardag. Uppselt er á sýninguna einsog verið hefur frá því sýningar hófust. Gaman er að segja frá því að það er einnig orðið uppselt á næstu sýningu þar á eftir. Búið er að bæta við aukasýningu á Dimmalimm í Þjóðleikhúsinu laugardaginn 6. apríl kl. 15.30. Miðasala stendur yfir og gengur mjög vel á www.tix.is 

Dimmalimm var frumsýnt fyrir smekkfullu Þjóðleikhúsi 16. mars síðastliðin. Hér er á ferðinni splunkuný leikgerð Bílddælinganna Elfars Loga og Þrastar Leó á ævintýrinu Dimmalimm eftir sveitunga þeirra, Mugg. Stefnt er að því að fara með Dimmalimm sem víðast um landið og nú þegar eru áformaðar sýningar á Þingeyri á páskum komandi. 

Dimmalimmlagið, eftir Björn Thoroddsen sem einnig er frá Bíldudal, er aðgengilegt á tónlistarveitunni Spotify og fljótlega verður hægt að hlusta á ævintýrið sjálft á storytel.is 

Hér má sjá kynningarmyndband um leikritið Dimmalimm https://www.youtube.com/watch?v=F-KJCev9iNg

mnudagurinn 25. mars2019

Uppselt rija sinn Dimmalimm

Dimmalimm  stui  jleikhsinu
Dimmalimm stui jleikhsinu

Kómedíuleikhúsið hefur sýnt nýjustu sýningu sína Dimmalimm í tvígang fyrir smekkfullu Þjóðleikhúsi. Þriðja sýning er á helginni og þegar er orðið uppselt á hana. Örfá sæti eru laus á 4. sýningu 6. apríl. Það er því bara allra best að fara beint á tix.is og tryggja sér miða.

Þegar þetta er ritað er nú verið að skoða með aukasýningar á Dimmalimm í Þjóðleikhúsinu. Hér má sjá stutt brot úr Dimmalimm https://www.youtube.com/watch?v=F-KJCev9iNg

 

rijudagurinn 19. mars2019

Dimmalimm lagi

N getur  hlusta  Dimmalimm lagi aftur og aftur
N getur hlusta Dimmalimm lagi aftur og aftur

Á síðustu helgi frumsýndi Kómedíuleikhúsið sitt 44. verk og var vel við hæfi að það væri vinsælasta ævintýri þjóðarinnar, Dimmalimm. Sýnt er í Þjóðleikhúsinu og er nú þegar orðið uppselt á sýninguna á helginni og örfá sæti laus á næstu sýningar. Því er ekkert vit í öðru en að tryggja sér miða á Dimmalimm í Þjóðleikhúsinu á tix.is þar sem miðasala er í ævintýralegum gangi.

Höfundur tónlistarinnar í Dimmalimm er hinn ástsæli gítarleikari Björn Thoroddsen, frá Bíldudal. Tónlistin leikur mjög stórt hlutverk í sýningunni og í lok leiks tekur Dimmalimm meira að segja lagið. Það heitir auðvitað Dimmalimm og það er nú orðið aðgengilegt á tónlistarveitunni Spotify 

 

https://open.spotify.com/album/4k1ZdvCV1hwKpQKpVZs7t1?si=ym2hPtcSQLqkyjH6yV59xQ

 

laugardagurinn 16. mars2019

Dimmalimm myndbandi

Stórdagur 16. mars 2019. Þá frumsýndum við Dimmalimm í Þjóðleikhúsinu fyrir smekkfullu húsi. Var þetta 44. verk okkar. Nú þegar er miðasala á næstu sýningar svo langt komin að þaðu eru aðeins örfá sæti laus. Svo um að gjöra að fara strax inná tix.is og tryggja sér miða.

A frumsýningardegi frumsýndum við einnig Dimmalimm myndbandið. Það er hér

 

https://www.youtube.com/watch?v=F-KJCev9iNg

 

Eldri frslur