föstudagurinn 6. desember 2019

Leppalúđi á leikhúseyrinni Ţingeyri

Leppalúđi sýndur á helginni á leikhúseyrinni Ţingeyri
Leppalúđi sýndur á helginni á leikhúseyrinni Ţingeyri

Nýjasta jólaleikrit Kómedíuleikhússins hefur heldur betur verið sýnt víða undanfarið. En alls hefur leikurinn verið sýndur 14 sinnum og það á 14 stöðum á landinu. Frumsýnt var 13. nóvember síðastliðinn á Tálknafirði. Nú er Leppalúði kominn heim, já á leikhúseyrina okkar hér á Þingeyri. A helginni verða tvær sýningar á Leppalúða í Félagsheimilinu Þingeyri. Sýnt verður á laugardag og sunndag og hefjast sýningar kl.14.00. Miðasala á staðnum og já við erum með posa. Miðaverð er aðeins 2.500.- krónur. 

Leikritið um Leppalúða er bráðfjörugt og sannlega fyrir börn á öllum aldri. Leppalúði hefur kannski ekki mikið verið í sviðsljósinu undanfarnar aldri en nú er loks komið að því að hann fái að sýna sitt rétta andlit. Það er nefnilega þannig að Leppalúði vaknar ávallt fyrstur allra í Grýluhelli. Og þá fer hann að gera það sem honum finnst skemmtilegast að gera og það er að gera ekki, neitt. 

Þetta eru síðustu sýningar á Leppalúða fyrir jól og því ekkert annað að gjöra en skunda á leikhúseyrina á helginni og kikka á Leppa. 

ţriđjudagurinn 3. desember 2019

Leppalúđi í Borgarnesi

Hinn víđförli Leppalúđi mćtir í Borgarnes
Hinn víđförli Leppalúđi mćtir í Borgarnes

Jólaleikritið Leppalúði verður sýnt í Borgarnesi miðvikudaginn 4. desember kl.17.30.  Sýnt verður í Félagsmiðstöðinni Óðal og allir eru velkomnir, miðaverð er aðeins 2.500.- krónur. Miðasala fer fram við innganginn á sýningardegi og já það er posi á staðnum.

Leppalúði hefur verið á ferð og flugi um landið síðan um miðjan nóvember. Frumsýnt var á Tálknafirði 13. nóvember og síðan þá hefur leikurinn verið sýndur á Bíldudal, Patreksfirði, Reykjavík, Reykhólum, Hvammstanga, Skagaströnd, Blönduósi, Barðaströnd, Þingeyri, Búðardal og nú í Borgarnesi.

Margir hafa heyrt hans getið en fæstir vita mikið um hann ef nokkuð. Enda hefur hann ávallt fallið í skuggann á konu sinni, henni Grýlu. En nú er loksins röðin komin að Leppalúða. Leikritið gerist í Grýluhelli hvar Leppalúði vaknar fyrstur allra og þá fer hann að gera það sem honum finnst skemmtilegast að gera. Hvað skyldi það nú vera? Jú, að gera ekki neitt. 

Bráðfjörugur leikur fyrir jólabörn á öllum aldri. 

föstudagurinn 29. nóvember 2019

Nćstu sýningar á Leppalúđa

Leppalúđi um land allt
Leppalúđi um land allt

Kómedíuleikhúsið heldur áfram að ferðast með jólaleikrit ársins Leppalúði. Næstu sýningar á Leppalúða verða sem hér segir. Búðardal á þriðjudag, Borgarnesi miðvikudag, Hólmavík fimmtudag og á leikhúseyrinni Þingeyri á helginni. Uppselt er á sýninguna í Búðardal en laust á hinar sýningarnar. Miðasala fer fram á sýningarstað. Miðaverð aðeins 2.500. - kr.

Jólaleikritið Leppalúði var frumsýnt á Tálknafirði 13. nóvember síðast liðin og hefur verið sýndur víða síðan við hinar fínustu viðtökur. Höfundur og leikari er Elfar Logi Hannesson og leikstjórn annast Marsibil G. Kristjánsdóttir. 


ţriđjudagurinn 12. nóvember 2019

Leppalúđa myndband

Leppalúđi heilsar
Leppalúđi heilsar

Kómedíuleikhúsið frumsýnir sprellfjörugt og alíslenskt jólaleikrit 13. nóvember. Leikritið heitir Leppalúði og fjallar um hinn alltof gleymda mann Grýlu og föður jólasveinanna 13. Frumsýnt verður í Grunnskóla Tálknafjarðar miðvikudaginn 13. nóvember en gaman er að geta þess að þetta er fyrsta frumsýning okkar þar. Daginn eftir verður sýning fyrir Grunnskóla Bíldudals og daginn þar á eftir fyrir nemendur Grunnskóla Patreksfjarðar. Á helginni verður Leppalúði á fjölunum í höfuðborginni. 

Um daginn gerði Kómedíuleikhúsið samning við vestfirska fyrirtækið Gústi productions sem mun sjá um að gera allt myndefni fyrir sýningar leikhússins. Fyrsta myndverkið er komið í loftið sem er bráðfjörugt kynningarmyndband um jólaleikritið Leppalúði. Gjörið svo vel

https://www.youtube.com/watch?v=LmAjkQmHuaQ&feature=youtu.be&fbclid=IwAR0DbCK0J9jkLiPS6ZWeknUuZWAAb82csu-F9xInuUpfPb4Yxur6PQB3PAY

fimmtudagurinn 10. október 2019

Vissir ţú ţetta?

340 sýningar
340 sýningar

Vissir þú að Kómedíuleikhúsið var stofnað árið 1997?

Vissir þú að Kómedíuleikhúsið er fyrsta og eina atvinnuleikhús Vestfjarða?

Vissir þú að Kómedíuleikhúsið hefur sýnt í Albaníu?

Vissir þú að Kómedíuleikhúsið sýnir Gísla Súrsson árið um kring á söguslóðum í Haukadal?

Vissir þú að Kómedíuleikhúsið hefur sýnt verðlaunaleikinn Gísla Súrsson 340 sinnum?

Vissir þú að Kómedíuleikhúsið hefur sett á svið 45 leikverk?

Vissir þú að Kómedíuleikhúsið hefur sett á svið 44 íslensk leikverk og eitt erlent?

Vissir þú að Kómedíuleikhúsið hefur frumsýnt í Þjóðleikhúsinu?

Vissir þú að Kómedíuleikhúsið hefur sýnt í skólum í Malaga á Spáni?

Vissir þú að Kómedíuleikhúsið hefur gert tvær ólíkar sýningar byggðar á Dimmalimm?

Vissir þú að Kómedíuleikhúsið hefur sett á svið 45 leikverk?

Vissir þú að Kómedíuleikhúsið hefur frumsýnt í minnsta óperuhúsi í Evrópu?

Vissir þú að Kómedíuleikhúsið gefur út veglegar leikskrár sem innihalda m.a. handrit leikverksins?

Vissir þú að Kómedíuleikhúsið hefur sýnt í Kanada?

Vissir þú að Kómedíuleikhúsið hefur gefið út bækur um leiklist og Vestfirði?

Vissir þú að Kómedíuleikhúsið hefur gert 4 leikverk sem tengjast öll sama listamanninum?

Vissir þú að Kómedíuleikhúsið hefur sett á svið einleiki um þekkta Vestfirðinga?

Vissir þú að Kómedíuleikhúsið hefur gert einleiki um vestfirsku jólasveinana?

Vissir þú að Kómedíuleikhúsið hefur sýnt Gísla Súrsson í Súrnadal?

Vissir þú að Kómedíuleikhúsið gefur út leiklistarbækur?

Vissir þú að Kómedíuleikhúsið gefur út vestfirskar bækur?

Vissir þú að Kómedíuleikhúsið ferðast árið um kring með sýningar sínar?

Vissir þú að Kómedíuleikhúsið hefur gefið út 15 hljóðbækur sem allar eru á storytel.is?

Vissir þú að Kómedíuleikhúsið hefur gefið út ljóðaúrval Stefáns frá Hvítadal?

Vissir þú að Kómedíuleikhúsið er með heimasíðu www.komedia.is?

Vissir þú að Kómedíuleikhúsið hefur sett á svið tvo leiki um Gísla? Þann Súra og þann frá Uppsölum.

Vissir þú að Kómedíuleikhúsið setti upp Daðrað við Sjeikspír?

Vissir þú að Kómedíuleikhúsið hefur sýnt á erlendum leiklistarhátíðum?

Vissir þú að Kómedíleikhúsið er í Ísafjarðarbæ?

Vissir þú að Kómedíluleikhúsið gerir út frá Þingeyri?

Vissir þú að Kómedíuleikhúsið hefur gert þrjú leikverk er tengjast Steini Steinarr?

Vissir þú að Kómedíuleikhúsið hefur gert leikrit um skrímsli?

Vissir þú að Kómedíuleikhúsið hefur þrívegis sýnt í Þýskalandi?

Vissir þú að Kómedíuleikhúsið hefur sýnt á einleikjahátíðinni Act alone, oftar en einu sinni?

Vissir þú að Kómedíuleikhúsið hefur sett á svið nokkra ljóðaleiki?

mánudagurinn 7. október 2019

Hollvinur Kómedíuleikhússins

Nú getur ţú gerst hollvinur Kómedíuleikhússins
Nú getur ţú gerst hollvinur Kómedíuleikhússins

Vilt þú gerast HOLLVINUR KÓMEDÍULEIKHÚSSINS? Með því eflir þú og bætir starfsemi eina atvinnuleikhús Vestfjarða. Vinir fá líka árlega kómískar þakkir. Þú færð 2 miða á verði eins á ekki bara eina heldur allar leiksýningar okkar og svo færðu óvæntan glaðning sendan í pósti árlega.

HOLLVINASTYRKURINN er aðeins 5.000.- krónur á ári (má alveg borga meira ef vill).

Það er einfalt að gerast HOLLVINUR KÓMEDÍULEIKHÚSSINS. Þú einfaldlega sendir okkur tölvupóst á netfangið komedia@komedia.is 

ţriđjudagurinn 1. október 2019

Međ fjöll í Hannesarholti

Á helginni frumsýndi Kómedíuleikhúsið sitt 45. verkefni. Um er að ræða ljóðaleikinn Með fjöll á herðum sér, sem inniheldur úrval ljóða Stefáns Harðar Grímssonar. Leikurinn var frumsýndur í Gránu á Siglufirði á laugardag við bestu aðsókn. Frumsýningarstaðurinn var vel við hæfi því ljóðaleikurinn er samstarfsverkefni okkar og Ljóðaseturs Íslands sem hefur einmitt sitt merka safn á Siglufirði. 

Á fimmtudag verður Með fjöll á herðum sér sýnt í Hannesarholti í Reykjavík. Aðeins er um þessa eina sýningu að ræða og því um að gera að tryggja sér miða. Miðasala fer fram á tix.is. 

Flytjendur ljóðaleiksins Með fjöll á herðum sér listabræðurnir frá Bíldudal, Elfar Logi og Þórarinn Hannessynir. Sá fyrrnefndi flytur ljóð Stefáns Harðar en Þórarinn flytur eigin lög við nokkur ljóð skáldsins. 

miđvikudagurinn 25. september 2019

Fjöllin frumsýnd

Međ fjöll á herđum sér er 45 verkefni Kómedíuleikhússins
Međ fjöll á herđum sér er 45 verkefni Kómedíuleikhússins

Það er hátíð á helginni. Ljóðahátíð, nánartiltekið hin árlega Haustglæður á Siglufirði. Kómedíuleikhúsið hefur nokkrum sinnum komið fram á þeirri glæstu ljóðahátíð og í ár stendur mikið til. Á laugardag frumsýnir Kómedíuleikhúsið og Ljóðasetur Íslands ljóðaleikinn, Með fjöll á herðum sér. Hér er á ferðinni leikur gerður í tilefni af aldarafmæli ljóðskáldsins Stefáns Harðar Grímssonar. Flutt verða úrval ljóða hans í tali og tónum. Þetta er sannkallaður bræðraleikur því í honum koma fram þeir Elfar Logi og Þórarinn Hannessynir. Sá fyrrnefndi stýrir einmitt Kómedíuleikhúsinu og hinn síðarnefndi Ljóðasetri Íslands. Leikarinn Elfar Logi flytur úrval ljóða Stefáns Harðar og tónskáldið Þórarinn flytur eigin lög við ljóð skáldsins. 

Það verður gefin út vegleg leikskrá fyrir ljóðaleik þennan, Með fjöll á herðum sér. Má segja að ritið sé nærri einsog bók því í henni er allt handrit leiksins sem og nóturnar við lögin í sýningunni. Þannig að nú geta áhorfendur ekki aðeins lesið verkið aftur við heimkomu úr leikhúsinu heldur og spilað þau, aftur og aftur. Einnig er í leikskránni pistill um skáldið eftir stórskáldið Þórarinn Eldjárn. Listakonan Heiður Embla á heiðurinn af listaverkinu á forsíðu þessarar veglegu leikskrár. 

Með fjöll á herðum sér verður frumsýnt í Gránu á Siglufirði laugardaginn 28. september kl.20.00. Þaðan liggur svo leiðin í borgina. Hvar sýnt verður í Hannesarholti fimmtudaginn 3. október kl.20.00. Fleiri sýningar eru áformaðar á ljóðaleiknum í framhaldinu víða um landið. 

laugardagurinn 21. september 2019

Gísli Súrsson fer í skóla

Verðlaunastykkið um Gísla Súrsson var frumsýnt í Grunnskóla Þingeyrar árið 2005 nánar tiltekið 18. febrúar. Síðan er eru liðnar 337 sýningar og enn er sá súri ekkert orðinn súr. Enn nýtur sýningin fádæma vinsælda og er sýnd árið um kring bæði á ensku og íslensku. Alveg frá upphafi hefur Gísli Súrsson verið sýndur í skólum landsins og enn á ný leggjum við af stað með þann súra í skóla. Það er nefnilega gaman að segja frá því að sýningin hefur átt stóran þátt í að opna heim æskunnar fyrir ekki bara Gísla sögu heldur Íslendingasögum almennt. Enda er sagan sögð á mannamáli ef þannig má að orði komast. 

Framundan eru sýningar í grunnskóla Fjallabyggðar, Laugalækjaskóla og Grunnskóla Ísafjarðar. En við viljum endilega fara í miklu fleiri skóla þetta skólaár. Við hvetjum því skóla landsins til að hafa samband við okkur og við mætum með þann súra. Áhugasamir geta sent póst á netfang Kómedíuleikhússins komedia@komedia.is eða bara einfaldlega hringt í Kómedíusímann 891 7025. 

miđvikudagurinn 18. september 2019

Leiksýningar fyrir skóla

Dimmalimm mćtir í skóla áriđ um kring
Dimmalimm mćtir í skóla áriđ um kring

Líkt og síðustu ár bjóðum við í Kómedíuleikhúsinu uppá veglegar, vandaðar og verðlaunaðar leiksýningar fyrir skóla. Eitthvað fyrir alla, börn á öllum skólastigum. Úrvalið hefur aldrei verið jafn mikið og í ár eða 4 sýningar. Tvær þeirra eru þegar fáanlegar í skólann þinn, ein þeirra verður aðeins sýnd í takmarkaðan tíma og sú fjörða verður frumsýnd í upphafi árs. Sýningarnar fjórar sem við bjóðum skólum í ár eru:

Gísli Súrsson. Verðlaunssýning sem hefur verið sýnd um 350 sinnum um land allt. Hentar elsta stigi grunnskóla og framhaldsskólum.

Dimmalimm. Ævintýraleg sýning sem var frumsýnd í Þjóðleikhúsinu síðasta vor. Hentar leikskólum og yngsta stigi grunnskóla. 

Leppalúði. Sprellandi fjörug ný jólasýning. Sýnd í nóvember og desember.

Iðunn og eplin. Nýr goðafræðileikur frumsýnt í janúar og sýnt fram á vor.

 

Hvernig væri nú að gleðja og fræða æskuna með einstökum leiksýningum í skólann þinn. Sýnum um land allt svo ekki hika bara hafa samband og við finnum tíma til að sýna í skólanum þínum. Sendið okkur línu komedia@komedia.is Eða hringið í Kómedíusímann: 891 7025.

Eldri fćrslur